Azpeitiko Nuarbe auzoko Ibai-Eder urtegia alerta egoeran dago, ur faltagatik. Gaurko, urtarrilaren 2ko, datuen arabera, urtegiaren edukieraren %47,89 dago beteta. 2015eko abenduan, aldiz, urtegiaren edukiera %54,79koa zen. 68.649 biztanle hornitzen ditu Ibai Eder urtegiak.
Gipuzkoako Ur Kontsortzioak jakinarazi duenez, Gipuzkoako hainbat urtegi daude alerta eta aurre alerta egoeran, eta azken asteetan euri gutxi egin duelako daude egoera horretan.