Gure inguruan, sardinaren entierroa da karnabalei agur esateko ohitura hedatuena. Azpeitian, ordea, diktadura garaiko debekuen ondoren festak berreskuratzen hasi zirenean, zezenak bete zuen beste tokietako sardinaren lekua. Hala, azken urteetan ohitura den legez, iluntzeko 20:00etan plazara atera duten suzko zezena izan da karnabaletako azken hitzordua, eta suzko zezenaren inguruan gaztetxo ugari ibili da korrika.