Lagun Onak Txirrindulari Elkarteak antolatuta, jubenil mailako XXXVI. San Jose Saria jokatuko dute igandean, matxoaren 12an. 16:00etan hasiko da lasterketa, anbulatorio aurretik. Azpeitia-Iraeta-Loiola (tarteko helmuga eta harbidea)-Iraeta-Loiola (tarteko helmuga eta harbidea)Benta berri-Etumeta-Iraeta-Azpeitia ibilbidea osatu beharko dute txirrindulariek.
Astebetera, beste hitzordu bat izango dute txirrindulariek Azpeitian. Izan ere, martxoaren 19rako XXXVII. Azpeitia Saria antolatu du Lagun Onakek. Proba hori ere 16:00etan hasiko da, anbulatorio aurretik. Kadete mailako lasterketa izango da hilaren 19koa.