Zapatuan, hilak 24, jokatuko dituzte Azpeitiko Sarek urtero antolatzen duen futbito txapelketaren finalak, plazan. Kopako finala 16:00etan hasiko da, eta Txaperuek eta Galactic Kastillaren artekoa izango da. 17:00etan, berriz, ligako finala jokatuko dute Hilarte eta Txifor taldeetakoek.
Maiatzaren 8an abiatu zen Sarek antolatutako futbito txapelketa, eta aurtengoan 12 taldek hartu dute parte. Partida guztiak Betharrameko jolastokian jokatu dituzte parte-hartzaileek, eta iazko finala bertan jokatu bazen ere, aurten berriro plazara ekarri dituzte txapelketaren finalak.