Gaur, uztailak 28, izango da Marea Arroxak hilaren 30ean egingo duen herri bazkarirako boluntarioen batzarra, 20:00etan, plazan. Bertan erabakiko dira bolondresek egingo dituzten lan desberdinak: botilei kortxoa kendu, mahaiak jarri, gainerako herritarrei bazkaria eman, jasotzen lagundu... Aurretik, 19:30ean, Marea Arroxa osatzen duten herritar guztiek argazki erraldoia aterako dute, festei hasiera emateko.
Marea Arroxako kideek azaldu dutenez, "herritar guztion laguntza behar da festetan. Guztiok gozatzeko, guztiok egin behar baitugu lan". Horrela, festa herrikoien batzordeak "bazkarira joango den herritar oro animatu eta beren aletxoa jartzera animatu" nahi ditu.