Astelehenean, hilaren 4an, hasiko da DYAk eskainiko duen sorosle eta lehen sorospen ikastaroa, baina izen-ematea zabalik dago oraindik. Parte hartu nahi dutenek 110 euro ordaindu beharko dute izen-ematea, eta saioetan parte hartzeko ez da beharrezkoa aurrez sorospen ezagutzak izatea.
Irailaren 22ra bitartean eskainiko dituzte saioak, astelehenetik ostiralera, 19:00etatik 21:00etara. DYAk Azpeitian duen ordezkaritzan, Urola kalean, izango dira klaseak.
Egunerokoan edonork izan ditzakeen arrisku egoerei nola erantzun irakatsiko dute ikastaroan izena ematen dutenek, hala nola bihotzaren eta biriken susperketa nola egin edo zauriak, hausturak eta erredurak nola sendatu. Ikastaro bukaerako frogak gainditzen dituztenek, DYAren Sorosle Titulua eskuratuko dute.
Sorosle eta lehen sorospen ikastaroan izena eman edo horren inguruko informazio gehiago nahi duenak, 943-46 46 22 telefonora deitu behar du.