EH Bildu koalizioko 40 alkatek agerraldia egin dute gaur, Donostian, Kataluniako prozesu subiranista babesteko asmoz, eta, tartean, Eneko Etxeberria alkatea izan da; zehazki, urriaren 1eko galdeketa babestu duten 700dik gora alkate kataluniarrei elkartasuna adierazi diete, eta fiskaltzak haiek deklaratzera deitu izana salatu dute. "Guk ere lagunduko eta ahalbidetuko genuke herritarren autodetermizaio eskubidea bermatzea prozesu demokratiko baten bidez", adierazi dute. "Jarrera demokratikoa eta ausarta" izateagatik "jazarri" dituzten Kataluniako alkateen ondoan daudela azpimarratu dute EH Bilduko agintariek, eta Espainiako Gobernuari esan diote Kataluniak bere etorkizuna erabakitzeko "eskubide osoa" duela.