Azpeitiko Argazki Elkartearen (AAE) egoitza bisitatuko du Caslos de Cos argazkilariak ostegunean, hilaren 16an. Hitzaldia 21:30ean hasiko da, eta irekia izango da; beraz, interesa duen herritar oro hurbil daiteke bertara (Perez Arregi 1).
Caslos de Cos soraluzearra da, eta bere izenak sona handia du argazki rallyen munduan. Izan ere, Soraluzeko artistak hainbat sariketa irabazi ditu azken urteetan, tartean, Herriz Herri, Iruñeko sanferminetako argazki lehiaketa eta argazkilarientzat horren garrantzitsua den Argizaiola.