LAB sindikatuaren Urola Kostako ordezkariek informazio gunea jarri dute gaur arratsaldean Azpeitiko plazan (argazkian). Lan duina, bizi duina ekimen ibiltariaren eskualdeko azken geltokia izango da Azpeitikoa LABekoentzat; 19:00 aldera arte egongo dira informazio postuarekin plazan. Atzo eta gaur, herriz herri ibili dira sindikatuko kideak egitasmo ezberdinak garatzen, lan eta bizi baldintza duinak aldarrikatuz eta prekarietatearen kontrako aldarria zabalduz. Prekarietatea hiltzailea leloarekin iritsi dira Azpeitira, Euskal Herrian eta Urola Kostan aurten lanean hil eta zauritu diren beharginak gogora ekarrita, besteak beste.
LABen 'Lan duina, bizi duina' ekimen ibiltaria iritsi da Azpeitira
Azpeitia Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide