Iker Aizpuruk bi domina lortu zituen atzo, abenduak 4, Portugalen –Vila Real De Santo Antonio herrian–jokatzen ari diren kirol egokituko IWAS Munduko Jokoetan.
Aizpuru gazteena da txapelketako parte-hartzaileen artean, baina hala ere, bi aldiz igo zen podiumera atzokoan. Zilarrezko domina eskuratu zuen 50 metro bizkarrez proban, eta brontzezko domina 50 metro tximeletan.
Bihar, abenduak 6, bukatuko da txapelketa. Kirol Egokituko Espainiako Federazioak deitu zuen azpeitiarra jokoetarako.
(Argazkia: Izarraitz igeri elkartea)