Balentina Agirre Elorza plazako parkearen zati bat itxi du Udalak, gaur, erle multzo bat agertu delako. Josu Labaka Zerbitzu Orokorretako batzordeburuak agertu duenez, kale argi batean azaldu da erle multzoa, eta herritarren "segurtasuna bermatzeko" itxi dute parke zatia. Udalak dagoeneko deitu dio erlezainari, eta erakundeak azaldu duenez, "berehala" kenduko dute erle multzoa.
