Azpeitiarrak nagusi izan dira Zarauzko Euskal Astearen barruan jokatu diren dantza suelto txapelketetan. Astelehenean Amets Amubietak eta Larraitz Larrañagak Helduen Binakako Dantza Txapelketa irabazi ondoren, atzo, osteguna, jokatu zen Bikote Gazteen Dantza Txapelketa, eta Azpeitiko dantzariz bete zen podiuma.
Eneko Sarasua azkoitiarrak eta June Elorza azpeitiarrak osatutako bikotearentzat izan zen garaipena Zarauzko Lege Zaharren enparantzan. eta haien ondoren sailkatu ziren, bigarren eta hirugarren tokietan hurrenez hurren, Anaitz Lizartza eta Itziar Bastida, eta Aner Kerejeta eta Nagore Kerejeta.