XJ Auzolanean batzordeak antolatuta, Umeen Eguna ospatu dute gaur Sanjuandegin. Guztira, 60 umetik gora elkartu dira, eta gozatu ederra hartu dute guztiek. 12:00etan jarri dute hitzordua, eta ondoren, Karmelo Etxegarai ikastolaren atarian, igerilekuaren kanpoaldean eta Sanjuandegiko ludotekan hainbat jolas egin dituzte. Jarraian, bazkaria egin dute, eta amaitzeko, Julen magoaren ikuskizunaz gozatu ahal izan dute.