Maila oso ona erakutsi dute Iokin Agirrek eta Arantzazu Aranetak, Fiteroko rallyan

Joan zen zapatuan Fiteroko X. Rallya izan zen, eta bertan parte hartu zuten, besteak beste, Iokin Agirre eta Arantzazu Araneta azpeitiarrek. Gainera, maila oso ona erakutsi zuten horiek; izan ere, sailkapen orokorrean bosgarren sailkatu ziren. Are gehiago, Euskal Herriko rallyen txapelketarako puntuagarria zen Fiteroko proba, eta azpeitiarrak hirugarren parte-hartzailerik azkarrenak izan ziren. Hori dela eta, ehun euroko diru saria eskuratu zuten. Argazkian, eskuinetik hasita, Agirre eta Araneta.