Orkatz kultur elkartearen 27. urtemuga ospatuko dute ekainaren 25etik 28ra bitartean. Egun horietarako, adin guztietakoak kontuan hartuta ekitaldi sorta antolatu dute. Ekitaldiak Sanagustin kulturgunean egingo dituzte; koronabirusak eragindako egoera kontuan hartuta, babes eta segurtasun neurriak errespetatuta. Hilaren 27rako, zapatua, antolatu duten bazkarirako izena eman daiteke Orkatzen. Ekitaldietarako sarrerak, baina, datorren astean jarriko dituzte saltzen Orkatzen eta Sanagustin kulturgunean.
Egitaraua:
- Ekainak 25, osteguna
21:30ean, Alde erantzira nabil poesia errezitaldia, Ekhiñe Eizagirrerekin, Sanagustin kulturgunean.
- Ekainak 26, ostirala
19:00etan, presoen aldeko elkarretaratzea, plazan.
22:00etan, bertso saioa, Sanagustin kulturgunean. Bertsolariak: Amets Arzallus, Xabier Silveira, Oihana Bartra eta Jexux Mari Irazu. Sarrera, 6 euro.
- Ekainak 27, zapatua
14:00etan, bazkaria. Bazkaritarako txartela, 20 euro.
19:00etan, Ro eta Trini Fox taldeen kontzertuak, Sanagustin kulturgunean. Disko bana aurkeztuko dute bi taldeek. Sarrera, 6 euro.
- Ekainak 28, jaia.
17:00etan, haurrentzako ikuskizuna. Ekain & Mikele eta Iago Mago, Sanagustin kulturgunean. Sarrera, 5 euro.