Aurtengo udan herriko haur eta gaztetxoek udalekurik izango ez duten arren, badute zertaz gozatua. Izan ere, Azpeitiko Udalak hainbat ekintza antolatu du udarako, eta gaur, osteguna, oztopoen parkea jarri dute Goenako gunean. Hainbat gaztetxok lokatzaz beteriko putzuak eta sare erraldoiak igaro behar izan dituzte parkean, baita hormatzarrak eskalatu ere. Bihar ere irekita egongo da oztopoen parkea, eta 16:00etatik aurrera 16 urtetik gorako herritarrek ere egin ahal izango dute zirkuitua. Parkea erabili nahi dutenek aurrez hitzordua hartu beharko dute honako lotura honetan.