Azpeitiko Udal Kirol Patronatua haurrei zuzendutako udazkeneko igeriketa ikastaroak antolatzen hasi da. Joan den udaberrian ere egitekoak ziren umeentzako ikastaroak udal igerilekuan; martxoan ziren hastekoak, baina bertan behera utzi behar izan zituzten, koronabirusak eragindako alarma egoera zela-eta.
Urrian hasi nahi dituzte udazkeneko ikastaroak, eta horietan izena ematerakoan lehentasuna udaberrirako izena emana zutenek izango dutela jakinarazi du gaur udalak. Horrela, beren haurrak udaberriko ikastarorako apuntatu zituztenek eta udazkenean ikastaroa egiteko asmoari eusten diotenek, igerilekura deitu (943-81 41 21 da telefono zenbakia) eta berretsi egin beharko dute asmo hori.