Duela bi astetik martxan den Hitzaren Eskolako lehen saio irekia izango da bihar, asteazkena, Dinamoa sormen gunean. Aurtengoa eskolaren bigarren edizioa da, eta Arantxa Iturbe ari da asteotan saioak eskaintzen. Biharko emanaldi irekian Iturbek ikasleekin egindako ariketa bat gorpuztuko dute Iraia Elias eta Iñigo Aranbarri aktoreek, Dinamoko ordezkariek azaldu dutenez, "hitz hutsez, soinua erantsita, gainerakoa erantzita". Nola iragarri egitear dagoena? izenburupean gauzatuko duten saioa 19:00etan hasiko da.