Grises taldea gogotsu itzuli da agertokietara, eta horren erakusle da zapatuan, hilak 26, Sanagustinen eskaini zuten kontzertua. Zestoarrek Talisman disko berria plazaratu zuten duela aste batzuk, eta ikus-entzuleek lan berriko kantuak nahiz beste diskoetako abesti ezagunak entzun ahal izan zituzten larunbateko kontzertuan. Honako lotura honetan ikus daitezke kontzertuko argazki guztiak.
Azpeitiko kontzertuaren ostean, birarekin jarraituko dute zestoarrek. Hurrengo kontzertua Gasteizen emango dute, urriaren 9an. Urola Kostako Hitzaren webgunean irakur daiteke Grises taldeko Amancay Gaztañaga abeslariari disko berriaren inguruan egindako elkarrizketa.