Herritarrak zain zeuden, eta iritsi zen. Ostiralean estreinatu zuten Beizamako krimenetan oinarritutako Korosagasti filma Soreasu antzokian. Berehala agortu ziren estreinaldirako sarrera guztiak, baita hurrengo hiru egunetarako antolatutako emanaldietarako sarrerak ere. Filmak izan duen harrera ikusita eta herritarrek egindako eskariei erantzunez, asteazkenean berriro emango dute Korosagasti Soreasun, 21:00etan hasita. Dagoeneko eskura daitezke sarrerak kulturaz.eus webgunean.
Hona hemen Korosagasti filmaren trailerra: