Jaso du saria Jon Goenagak, Egunean Behineko laugarren denboraldiko Uztarriaren taldeko irabazleak. Goenaga erabiltzailearekin aritu zen jokoan, eta 2.803,53 puntu lortuta nagusi izan zen hamar aste iraun zituen denboraldian. Horrenbestez, hark eskuratu du Baserria KM0ren produktuz betetako saskia.
Joan zen denboraldian, laugarrenean, 1.113 lagun aritu ziren lehian Uztarriaren taldean. Dagoeneko martxan da Egunean Behinen bosgarren denboraldia, eta oraingoan ere Uztarriak banatuko du saria parte-hartzaileen artean. Hain zuzen ere, irabazleak Ekain sagardo ekologiko kaxa bat eskuratuko du.
Uztarriaren taldean parte hartzeko Egunean Behin aplikazioa deskargatu behar da Google Play edo App Store plataformatik. Aplikazioaren behealdean kokatzen den Taldeak atalean, (+) ikurra zapaldu, giltzaren gainean klik egin eta C6BB98 kodea sartu behar da; erabiltzaileak gisa horretan lortu du UZTARRIA (Azpeitia) izeneko taldera batzea.
Izenak dioen moduan, egunean behin jokatu daiteke sakelako telefonorako egindako aplikazioan. Hamar galdera erantzun behar dituzte erabiltzaileek ahalik eta denbora laburrenean, eta puntuazioaren arabera, astero sariak banatzen dituzte jokoaren sustatzaileek. Izan ere, astekakoa izaten da sailkapena, astelehenetik igandera bitartean lortutako emaitzen araberakoa.