Kale b(a)rroka-1620 Nafarroako Lo(r)aldia antzezlana ikusteko aukera izan da gaur, zapatua, Sanagustin kulturgunean. Urolako Nafar Zuzterrak taldeak antolatu du saioa, eta antzezlana hasieran herriko kaleetan zehar egiteko asmoa bazuten ere, Eusko Jaurlaritzaren segurtasun neurriak medio, Sanagustinen egin dute azkenean.
Duela 400 urte, 1620an, Euskal Herriaren historian mugarri izan den zerbait gertatu zen: Frantziak lege bat egin zuen Nafarroa estatu horretara batzeko, eta lege horren kontra, Nafarroako parlamentari buruak testu bat osatu zuen. Testu horren inguruko antzezlana da Kale b(a)rroka-1620 Nafarroako Lo(r)aldia.