Los Sara Fontan taldeak inprobisazio tailerra eta kontzertua eskainiko ditu larunbatean, eta dagoeneko itxita dago saioan izena emateko epea. Dinamoa sormen gunean izango da taldea zapatuan, 10:00etatik aurrera.
Sara Fontanek eta Edi Pouk osatzen dute taldea, eta proiektua martxan jarri zutenerako erabaki zuten diskorik ez grabatzea. Zuzenekoak ematen dituzte, "industriaren errutina produktibotik ihesi". Fontanek biolina jotzen du, eta Pouk perkusioa. Bi urteko ibilbidea du taldeak, eta Europako hainbat herrialdetan izan dira denbora tarte horretan. Orain, Azpeitian egingo dute geldialdia.