Hego Euskal Herriko hamairu herritan eta hiritan egingo du protesta Gazte Koordinadora Sozialistak datorren larunbatean, azaroak 21. Burgesiaren zuzeneko diktadura gelditu lelopean deitu dute mobilizatzera; Azpeitian 18:30ean jarri dute hitzordua, plazan.
Urola Kostako koordinadorak sare sozialetan zabaldu duenez, lau aldarrikapen nagusi dituzte: neurri diziplinario eta polizialak indargabetzea; osasun baliabide sozialak indartzea; eskubide zibil eta politikoak bermatzea; eta langileriaren antolakuntza komunista hedatzea.
"Oligarkia finantzarioak, politikari profesionalek eta enpresari handiek ezarritako salbuespen egoeraren aurkako" salaketa kanpainaren barruan kokatze da larunbateko mobilizazioa.
Zarautzen ere egingo dute protesta, 19:00etan, udaletxearen aurrean. Hego Euskal Herriko hiriburu guztietan aterako dira kalera, eta baita Hernanin, Tolosan, Beasainen, Bergaran, Durangon, Gernikan eta Lekeition ere.