Itziar Urbieta azpeitiarrak eta Loreto Fernandez donostiarrak organo kontzertua eskaini dute gaur, zapatua, parrokian. Hainbat herritarrek aprobetxatu dute emanaldia entzuteko abagunea, eta gozatu ederra hartu dute.
Lau eskutara eta emakume konposatzaileak lelopean, musikari ezagunen piezak interpretatu dituzte bi organo-jotzaileek; besteak beste, Johann Sebastian Bach-en (1685-1750) Schafe konnen sicher weiden (Cantata BWV208); Joseph Haydn-en (1732-1809) Il maestro e lo scolare; Cecile Chaminaden (1857-1944) Marche funebre; Nadia Boulanger-en (1887-1979) IImprovisation eta Adolph Hesse-n (1809-1863) Fantasie (Adagio-Andante gracioso-Allegretto).