Durangoko Azoka Euskal Herriko hainbat txokotara iritsiko da aurten. Zu non, han DA! izenburupean, hainbat kontzertu izango dira han eta hemen: Azpeitian, esaterako, Gatibu eta Sua taldeek eskainiko dituzte kontzertuak.
Azokaren antolatzaileek bi kontzertu horietarako sarrerak eman dizkiote Uztarriari, bazkideen artean zozkatzeko. Hain zuzen ere, Gatibuk larunbatean (19:00) Soreasu antzokian eskainiko duen emanaldirako bi sarrera zozkatu ditu Uztarriak bazkideen artean, eta abenduaren 8an Suak (19:00) Sanagustin kulturgunean eskainiko duen kontzerturako, lau sarrera. Honako hauek izan dira irabazleak: Amaia Garatek eta Alex Silvak Gatiburen zuzenekorako sarrera bana eskuratu dute, eta Jon Aizpuruk, Juan Aranagak, Gurutze Eizmendik eta Mikel Labianok Suaren emanaldirako sarrera bana.