Juan Antxieta musika eskola ekainean zen urteko zozketa egitekoa, baina izurritea tarteko, atzeratu egin zuten zozketa eguna. Azaroaren 19an, Santa Zezilia eguneko ekitaldian, egin zuten zozketa hori, eta 8.188 zenbakia izan zen saritua. Dena dela, zenbaki horren jabea ez da azaldu, eta, horregatik, ordezko zenbakiari emango diote saria: 8.965 zenbakiaren jabeari, hain zuzen ere.
Ezohiko egoera dela eta, saria zehazteko dute oraindik Juan Antxieta musika eskolakoek. Berez, lau lagun Londresera musikal bat ikustera ziren joatekoak, baina musika eskolakoek azaldu dutenez, COVID-19a dela eta, "egoeraren arabera" erabakiko dute bidaia noiz eta nora egin.