"Herriko ostalari taldetxo bat elkartu gara azken asteotan, eta bilera bat egitea nahi dugu herriko ostalari guztiekin". Horrela jakinarazi dute azken boladan elkartu diren Azpeitiko hainbat ostalarik. Bilera irekia deitu dute biharko, 15:00etan Sanagustin kulturgunean. "Ostalariak soilik elkartu nahi dugu, gure kezkak eta iritziak elkarbanatzeko eta gaur egun bizi dugun egoeraren aurrean nola aurkitzen garen partekatzeko", adierazi dute batzarraren deitzaileek.
Horrenbestez, bihar Sanagustinen egingo duten bilerara gonbidatu nahi dituzte herriko ostalari guztiak.