Bihar, ostegunarekin, hasiko da erremonteko Oriamendi Txapelketa, eta Jagoba Labakak eta Joxin Aizpuru Aizpuru III.a azpeitiarrak parte hartuko dute lehian. Labakak Goikoetxea V.a izango du bikote eta Aizpuru III.ak Urria II.a. Bi bikote horiez gain, beste lau ere ariko dira ligaxkan: Mirubia-Martirena, Segurola-Zaldua I, Etxarri-Zubiri eta Zaldua II-Larrañaga.
Ligaxkako lehen partidak bihar izango dira Hernaniko Galarreta pilotalekuan. Segurolak eta Zaldua I.ak Zaldua II.aren eta Larrañagaren kontra jokatuko dute lehen partida, eta Mirubiak eta Martirenak Etxarriren eta Zubiriren kontra bigarrena. Ligaxkako partida guztiak ostegunetan izango dira, eta otsailaren 18an izango dira finalaurrekoak. Finala, berriz, hil horren 25ean jokatuko dute txapelketako bi bikote onenek.