Joan den larunbatean, hilak 27, Huntza taldeak kontzertua eskaini zuen Soreasu antzokian, eta herritarrek erruz gozatu zuten emanaldiaz. Huntza 2014. urtean Gipuzkoan sortu bazuten ere, 2016. urtean egin zen ezagun Aldapan gora abestiarekin, eta ordutik Euskal Herriko hainbat txokotan barrena ibili dira taldekideak kontzertuak eskaintzen. Azken diskoa 2018. urtean atera zuten, Xilema deiturikoa. Honako lotura honetan ikus daitezke kontzertuko argazki guztiak.
(Argazkiak: Alberto Beloki/Kulturaz kooperatiba)