Zuzeneko Arteen Zirkuituko Beste bat! egitasmoaren barruan, Eñaut Elorrieta musikariak kontzertua eskainiko du igandean, hilak 7, Soreasu antzokian. 19:00etan hasiko da emanaldia, eta gernikarrak, besteak beste, bere azken diskoko abestiak joko ditu kontzertuan. Oraindik ere eros daitezke emanaldirako sarrerak Kulturazen webgunean.
Ken Zazpi taldearekin egin zen ezagun Elorrieta; Gernikako taldearen Atzo da bihar (Gor diskoak, 2001) diskoa oso ezagun bilakatu zen Euskal Herri osoan zehar, eta, ordutik, hainbat disko ondu ditu taldeak. Urte batzuk beranduago, berriz, Deserriko kantak izeneko bakarkako lana kaleratu zuen gernikarrak (Elkar, 2013), eta bere azken lana duela bi urte argitaratu zuen, Irteera argiak (Elkar, 2019) deiturikoa.
Honako hau Irteera argiak diskoko Hariak abestiaren bideoklipa da: