Miren Alcedok idatzitako Schubert nunca trabajo en justicia liburuaren inguruko solasaldia egin zuten atzo arratsaldean Emakumeen Txokoan, eta herritar ugarik parte hartu zuten bertan. Alcedo ez ezik, liburuko ilustrazioen egile Marisa Gutierrez ere han izan zen, Alaitz Olaizolak gidatutako saioan.
Schubert nunca trabajo en justicia fikziozko liburua da, baina errealitatea du oinarri. Izan ere, Alcedok bildutako kontakizunak Justiziaren arloan lanean ari diren emakumeen esperientziak jasotzen ditu, eta atzoko saioan horiek izan zituzten hizpide. Honako lotura honetan irakur daiteke Uztarria.eus-ek liburua kaleratu ostean Alcedori egindako elkarrizketa.