Lagun Onak mendi bazkunak antolatutako Mendiko Ahotsak egitasmoaren barruan, hitzaldia eta film proiekzioa eskaini zituen atzo Mikel Sarasola piraguistak, 19:00etan hasita, Soreasu antzokian. Ur bizietako kayaklaria da Sarasola, eta munduko txoko guztietako ibaietan barrena ibili da. Groenlandian izandako bizipenak jasotzen dituen ikus-entzunezkoa aurkeztu zuen atzo, eta hainbat lagun bertaratu zen emanaldira. Gainera, Sarasolari galderak egiteko tartea ere izan zuten.
(Argazkiak: Lagun Onak mendi bazkuna)