Birjinak edo putak? Emakumeen adoktrinamendua mendeetan izenburupean hitzaldia eskaini zuen atzo, asteazkena, Amaia Nausia historialariak. 2012an kaleratu zuen izen bereko liburua oinarri hartuta aritu zen solasean iruindarra, Urolakoen Nafar Zuzterrak taldeak antolatuta. 1512ko konkista abiapuntu hartuta, XVI. mendean gertatutakoa izan zuen hizpide Nausiak; batez ere, emakumeek sasoi hartako gizartean bizi izandakoa.
