Altuna y Uria enpresak Basarteko industria poligonoan duen pabilioi batean sua piztu da gaur goizean. Ertzaintzak emandako informazioaren arabera, 09:25 aldera hasi da sua, biltegian zegoen makina batetik; Urolako eta Arrateko suhiltzaileak, ertzainak eta udaltzainak joan dira bertara, eta 10:00 alderako sua kontrolpean hartzea lortu dute.
Sua piztu den tokitik gertu dagoen etxebizitza bat badaezpada hustu egin dutela ere jakinarazi dute ertzainek, baina kalte pertsonalik ez da izan. Kalte materialak zenbaterainokoak izan diren ez dago zehaztuta.
