Uztarria Komunikazio Taldeak bi Kultur Bono zozkatuko ditu bazkideen artean. Bazkideek mezu bat bidali beharko dute lehiaketakuztarria@gmail.com helbidera, Kultur Bonoa izenburuarekin eta bazkidearen izen-abizenak eta harremanetarako telefono zenbakia zehaztuta. Osteguneko, apirilak 15, 12:00ak arte izango da zozketarako izena emateko epea zabalik.
32 ekitaldi, eta gehiago
2021eko Kultur Bonoak Sanagustin kulturgunean, Soreasu antzokian edota Dinamoa sormen gunean antolatutako sarreradun ekitaldiez doan gozatzeko aukera. Bonoak eskaintzen dituen aukera guztiak baliatuz gero, guztira 32 ekitalditarako erabili ahal izango da. Hau da zerrenda:
- 10 kontzertu.
- 6 antzerki / dantza ikuskizun.
- Umeentzako 6 ikuskizun (heldu bat + ume bat).
- 10 film.