Grison Beatbox eta Jaime Caravaca umoregileek bigarren bakarrizketa saio bat eskainiko dute maiatzaren 22an, Soreasu antzokian. Izan ere, 20:00etako saiorako sarrera guztiak agortu direla eta, 17:00etan bigarren emanaldi bat eskainiko dute. Dagoeneko eros daitezke saiorako txartelak Sanagustin kulturgunean nahiz Kulturazen webgunean, 18 euroren truke; egunean bertan, aldiz, 22 euroko kostua izango dute sarrerek leihatilan.
Umorea eta beatboxing-a uztartzen dituzte bi umoregileek agertokian, eta zuzeneko bikoizketak ere egiten dituzte. Movistar plus telebista kateko La Resistencia saioan parte hartzeagatik dira ezagun, besteak beste, Grison Beatbox eta Jaime Caravaca.