Euskal Herriko Trikitixa Elkarteak soinua eta panderoa minik hartu gabe jotzeko ikastaroa antolatu du. Ikastaroa hilaren 24an izango da, Basazabal jauregian, eta Iñigo Perez Garcia fisioterapeuta eta eliteko kirolean adituak emango du saioa. Parte hartu nahi dutenek apirilaren 21erako eman beharko dute izena izena trikitixa@trikitixa.eus helbidera idatzita, eta 25 euro ordaindu beharko dituzte —elkarteko kideek %15eko deskontua izango dute—.
10:00etan hasi eta 12:00etan bukatuko da ikastaroa, eta bi zati izango ditu. Lehendabizikoa, gorputzaren ezagutzari buruzkoa izango da; eta bigarrengoan, soinua eta panderoa jotzean sor daitezkeen oinazeei aurrea hartzeko ariketa praktikoak gauzatuko dituzte.