Ziklomotorren Azterketa Teknikoa (IAT) Azpeitian egiteko aukera izango da maiatzaren 10ean, astelehenez. Azterketak Udalak Urola kaleko 6. zenbakian duen biltegian egingo dituzte, 09:00etatik 14:00etara bitartean. Erakundeak azaldu duenez, lehen matrikulaziotik hiru urte bete dituzten ziklomotorrek derrigor egin behar dute azterketa.
Azterketa teknikoa egin ahal izateko, aurrez txanda hartu beharko da, 943-76 97 53 telefono zenbakira deituta. 28,75 euro ordaindu beharko da azterketa egiteko, eta hainbat dokumentu aurkeztu behar dituzte ziklomotorren jabeek: ziklomotorraren ezaugarri teknikoen ziurtagiri originala, derrigorrezko asegurua, jabearen NAN zenbakia eta zirkulazio baimena.