Urola Bizirik natur taldeak bertan behera utzi du apirilean egitekoa zen ibai garbiketa, COVID-19 kasuen gorakada tarteko. Dena den, taldeak jakinarazi duenez, aurrerago egingo dute beste deialdi bat, nahiz eta oraindik ez duten eguna zehaztu.
Urola Bizirikek ibaiak eta errekak garbitzeko egiten dituen saioen emaitzak "nahiko antzuak" direla adierazi du, "zabor pilaketa etengabea" baita eremu horietan. Hori dela eta, taldeak uste du arazoari irtenbidea emateko modurik egokiena prebentzioa dela: "Arazoa handia denean horri aurre egitea baino askoz eraginkorragoa da arazoa saihestea.
Horregatik, gogoratu nahi dugu denoi dagokigula kaleak, parkeak eta bazterrak garbi mantentzea: kale garbiketa ez dago garbiketa-zerbitzuen menpe, bertako biztanleen heziketaren gain baizik".