Aurtengo familia ekintzen barruan, erabilitako arropekin osagarriak egiteko tailerra eskaini dute gaur Ekoetxean, eta irudimena landuz askotariko bitxiak eta apaingarriak egin dituzte ikastarora animatu diren gaztetxoek: loreak, katuak, saguzarrak... Bi saio egin dituzte, aurrenekoa 10:00etan hasi da eta bigarrena 11:30ean. Ekoetxearen atarian jarri dituzte mahaiak, eta tailerrera animatu diren lagunak bertan aritu dira ordu eta erdi inguruz aurrez erabilitako oihal zatiak mozten, forma ematen eta josten.