Hiru asteburutan zerbitzua bertan behera egon ostean, zapatuan eta igandean hasiko da lurrun trena berriz ere martxan. COVID-19aren pandemiaren bilakaera tarteko hartu zuen zerbitzua eteteko erabakia Burdinbidearen Euskal Museoak, baina egoera baretuta, berriz ere ekingo dio ohiko jardunari.
Horrenbestez, larunbatean 12:00etan eta 17:30ean izango da Azpeitia eta Lasao artean bidaia egiteko aukera; eta igandean, berriz, 12:00etan. Museoa, berriz, 10:00etatik 13:30era eta 15:00etatik 18:30era egongo da irekita zapatuan, eta 10:30etik 14:00etara, igandean. Museoko sarrera eta lurrun treneko bidaia sei euro ordaindu beharko da, eta museoa soilik bisitatu dutenek bi euro ordaindu beharko dituzte.