Azpeitiak ezin hobeto ekin dio esku pilotako Gipuzkoako Herriarteko Txapelketari. Aurtengo ibilbidea Oñatin hasi dute Ilunpe elkarteko pilotariek, final zortzirenetako kanporaketan, eta emaitza borobilarekin eta kanporaketaren lanerdiak ondo beteta itzuli dira etxera: Oñatiko taldeari 0 eta 3 irabazi zioten atzo arratsaldean Zubikoa pilotalekuan.
Kadeteetan 2-22 irabazi zuten Eneko Odriozolak eta Beñat Ezamak; jubeniletan, 2-22 nagusitu ziren Iker Egiguren eta Josu Labaka; eta senior mailan, 5-22 izan da Unai Alberdi eta Daniel Murgiondoren aldeko markagailua.
Itzulerako partidak datorren larunbatean izango dira, Azpeitian.