Azpeitiko gomazko palistek gaur ekin diote Gipuzkoako Herriarteko Txapelketari. 10:00etan hasita, Urrestillako Txikuri pilotalekuan jokatu dituzte final zortzirenetako joaneko partidak Tolosaren kontra, eta 1-2 galdu dute etxekoek.
Lehendabiziko partidan, buruz buruz kantxa osoan, Eneko Martijak ordezkatu du Azpeitia, eta ezin izan du hiru tantotik pasa; 3-20 galdu du. Bigarren partidan, binakakoan, Asier Egigurenek eta Urtzi Lopetegik 20 eta 4 hartu dute mendean Tolosako bikotea. Hirugarren partidan, buruz buru zazpi koadroden barruan, Mikel Sanchez aritu da Azpeitiaren izenean. Hark ere 3-20 galdu du.
Final zortzirenetako itzulerako partidak datorren asteburuan jokatuko dituzte Tolosan.