Grison Beatbox eta Jaime Caravaca umoregileek bi bakarrizketa saio eskainiko dituzte larunbatean Soreasu antzokian, eta lehen emanaldirako sarrerak eskuragarri daude oraindik ere. Kulturaz.eus atarian eskura daitezke 17:00etako emanaldirako sarrerak, 19 euroren trukean. Bigarren emanaldirako (20:00) sarrera guztiak agortuta daude.
Umorea eta beatboxing-a uztartzen dituzte bi lagunek agertokian, eta zuzeneko bikoizketak ere egiten dituzte. Movistar Plus telebista kateko La Resistencia saioan parte hartzeagatik dira ezagunak, besteak beste, Grison Beatbox eta Jaime Caravaca.