Lagun Onakeko emakumeen lehen taldeak bihar, zapatua, jokatuko du Euskal Ligarako igoera faseko lehen norgehiagoka Añorga taldearen kontra. 12:00etan hasiko da neurketa Garmendipeko zelaian, eta lehen faseko joaneko partida izango da. Izan ere, hurrengo asteburuan jokatuko dute itzulerako partida Añorgan.
Ohorezko Erregional Mailako bi taldeetako lehen bi sailkatuek jokatuko dute igoera fasea asteburu honetan hasita. Batetik, Lagun Onakek eta Añorgak neurtuko dituzte indarrak, eta bestetik, Eibarren eta Touringek. Behin fase hori igarota, bi talde onenek izango dute jokoan Euskal Ligarako txartela, eta azken partida hori ekainaren 6ko asteburuan jokatuko dute.
Lagun Onakek joan zen maiatzaren 8an lortu zuten igoera faserako txartela, Zumaiako 5 eta 0 mendean hartuta. Honako lotura honetan irakur daiteke taldearen entrenatzaile Unai Urbizuri partida haren atarian Uztarria.eus-ek egindako elkarrizketa.