La Basu rap abeslaria Soreasu antzokian izan da gaur, asteartea, goizean, eta Urola Ikastolako DBH 4ko ikasleek harekin solasean aritzeko aukera izan dute. Besteak beste, raparen eta hip-hoparen munduaz, musikariaren ibilbideaz, raparen inguruko aurreritziez eta abarrez aritu dira hizketan, eta rapeatzeko tartea ere izan du La Basuk, Urola Ikastolako ikasleen laguntzarekin.
Elena Caballeroren izen artistikoa da La Basu, eta Etxebarrikoa (Bizkaia) da rap abeslaria. Euskal raparen munduan emakume erreferenteetako bat da bizkaitarra.