Dagoeneko zabaldu dute udako udaleku irekietan izena emateko epea. Hilaren 31ra arte egongo da horretarako aukera, eta aurten, egoerak bultzatuta, online egin beharko da izen-ematea udalaren Azpeitia.eus webgunearen bidez. Dena den, Gazte Informazio Bulegora joanda (Sindikatu Zaharreko lehenengo solairua) edo 943-15 71 60 ala 943-15 71 61 telefonoetara deituta eskainiko dute edozein zalantza argitzeko laguntza.
Aurtengo udaleku irekiak ekainaren 21etik uztailaren 16ra izango dira, eta Haur Hezkuntzako 2 mailatik Lehen Hezkuntzako 6. mailara arteko umeek izango dute horietan parte hartzeko aukera. Ikastetxeen bidez banatu dute udalekuen gaineko informazioa aurtengoan.