Azpeitiko Udalaren administrari lan poltsa osatzeko bigarren azterketak egin zituzten hainbat lagunek atzo, osteguna, Izarraitz pilotalekuan. Bi lan poltsa osatuko dituzte, eta, beraz, bi azterketa egin zituzten; bata 09:00etan, eta bestea 12:15ean. Udalak bi zerrenda osatuko ditu: administrazio orokorrean jarduteko, bata; eta zenbakietan espezializatutako postuetarako, bestea. Lan poltsa lehiaketa-oposizio bidez osatuko du herri erakundeak, eta zerrenda horiek baliatuko ditu sortzen diren behin-behineko beharrei erantzuteko.
Joan den apirilaren 21ean egin zuen udalak administrarien lan poltsa osatzeko lehen azterketa.