Sekulako ekaitza bota zuen bart gauean; guztira, 700 tximistatik gora erori ziren ordubetean Gipuzkoan. Euskal Herriko txoko gehienetan izan zuen eragina ekaitzak, baita Azpeitian ere. Udaltzaingoak azaldu duenez, herriko hainbat tokitan zuhaitzak erori ziren. Zuhaitz horiek hainbat bide itxi dute, eta ondorioz, garbiketa lanak egin behar izan dituzte udal brigadako langileek. Goiko irudian ikus daitekeenez, Madalena auzoan erori da zuhaitz horietako bat; behekoa, berriz, herritar batek Urrestillan tximista bati ateratako argazkia da.
